Maaori | English 

Hanganga \ Orokohanga

Ko te tiimatatanga koo Io Matua Kore, I roto ia I te marama,I roto te marama I a ia
Naana nei I hanga a Rangi raaua koo Papa, kaa piri raaua ki aa raaua, kaa katia e raaua te marama ki waho
Kaa whaanau waa raaua tama tokomaha, ki roto I ngaa poo
Koo ngaa poo uriuri, koo ngaa poo tangotango, koo ngaa poo kerekere eetahi oo ngaa poo, I tupu ai ngaa tama
Koo Tuumatauenga, koo Taanemahuta, koo Taawhirimaatea, koo Tangaroa, koo Rongomaataane, Koo Ruaimoko,
Koo Maaui tikitiki aa Taranga

Naa Taanemahuta I whana toona papa ki roto I aa rangiaatea
Kaa heke iho te marama, kaa tiimata ai, te raa me te poo tuatahi e moohio ana taatou I teenei raa
I arawhatangia e Taanemahuta ki runga, I aa Maareikura

I reiraa aa Io Matua Kore me ngaa kete waananga, koo te Kete Tuuaauri, ko te kete tuuaatea, ko te kete aronui
I aromatawai a Io Matua Kore, I te Tama aa Taanemahuta, kaa whakahoki ia ngaa kete raa ki runga, I aa Papatuaanuku
Hei kete ako mahi, hei kete ako mihi, hei kete ako tikanga
Naa Taanemahuta I whakairongia, mai i ngaa uku, oo Papatuaanuku, he aahuatanga rite tonu ki aa ia
kaa whakahaa ia ki ngaa waahi katoa o te whakaahua raa, tae ake ki te ihu, kaa ara te aahua, hee wahine kikokiko
tuaatahi moo taatou te Maaori, koo Hineahu one.

Whakatauakii

Koo eenei eetahi koorero i koorero ai aa ooku karani ki ahau “E moko” 

Hee muku moo toou kanohi, hee muku moo toou tinana, Kaua e mahia teetahi atu hei muku moo teetahi atu” 

 “Hee tuuru kee teenei hee nohoanga moo toou tou  E hara kee he teepu moo oou kai” I

“Kaa mate teetahi tangata tukua kia mate noa kaa hiki ake, I eetahi waa tukua kia pahure ngaa haora e toru” 
Kaatahi anoo koe e nuku atu te tuupaapaaku