Koo teenei te kokongaa hei whakahono whakaaro aa ngaa Kaumaatua |
|
Teenaa raa koutou, E koro e kui maa
Teenaa raa koutou, kua peka mai
Koo teenei te kokongaa, aa ngaa kaumaatua
Hee waahi hono koorero, moo ngaa iwi katoa |
|
Too maatou wawata, kaa rongo ki ngaa koorero
Ngaa koorero hiitori, whakatauakii
Noreiraa e te iwi, koorero ngaa pepeha
kia whakapuaawaingia, ngaa moemoea aa Paaua
|
Koo wai aa Paaua, naa wai I whakatoo te purapura aa Paaua? |
|
Mee kii naa te Aotearoa Naahi Whakahaeretanga raaua koo toona Ruunanga I whakatoo te purapura aa Paaua aa naa te Matua Pooari I whakatautoko. Naa kua tupu ai aa Paaua hei aataamira ki te whakaatu eetahi, aahuatanga mee peehea hoki ai taatou e mahi kaupapa ki te whakaritea te whakatuungaatahitanga a te Maaori ki roto NZNO, aa toona waa ki roto Aotearoa hoki. |
|
Te Waiata I waiatangia maaua koo tooku hoa hee waiata moo te Kokongaa Kaumaatua. i whakapuare teenei papakaainga i te Hui aa tau 2004. E poowhiri ana maatou kia peka mai koutou ki te koorero waau koutou whakaaro ki roto I te Kokongaa Kaumaatu nei aa kaa tuu whakahoonore |
Tihei Mauri ora ki te whai Ao ki Ao Maarama
|
| I kakea ai e koe ki runga I ngaa puhipuhi aa ngaa hau e whaa, I te raa nei kua huri mai toou waka ki teenei pito o te Ao. Ko te mea tuatahi mee rapua e taaua ngaa taonga tawhito, hei kiinaki ki ngaa taonga o te raa nei, hei oranga moo ngaa tupuranga Mee kake ake ki runga I teenei maunga kia whakarongo ki ngaa whakataukii e aawhiongia ana e Hinepuukohurangi. Kaa haere taaua ki roto I te ngaahere ki te whakarongo ki ngaa manu e koorero ana I te reo aa koro maa aa kui maa. |
|
Kaa rukuhia e taau te moana oo konei, kaa maatakitaki I ngaa kuutae ngaa pipi ngaa ika hoki, kaa tino rukuhia hoohonu e taaua ki raro i ngaa toka, kaa kitea e taaua ngaa kina ngaa paaua e mahi ana aa raaua mahi.
I haere mai aa koro aa kui maa ki teenei waahi ki te rapu hee kai moana maa raatou, araa ki te ruku Paaua hoki
|
|
E hoa maa koo Paaua te waka hei kookiri ai e taatou, ki roto I te kootahitanga me te aroha, e hari koa ana kua tae mai koe ki teenei papakaainga aa Paaua, paanuitia ngaa koorero tuhituhi aa Paaua aa kaa tuku mai waau whakaaro moo teenei kaupapa
|
|
Kei konei ngaa mema o Aotearoa Naahi Whakahaeretanga toru tekau maa rima mano te toko maha oo raatou, otiraa kei konei maatou katoa e whakaponongia ana ko te Tiriti oo Waitangi too maatou kaiaarahi ki te whakahoonore, ki te whakatautoko, kia whakaritea
te whakatuu ngaatahi ai e te Maaori ki roto I teenei whakahaetretanga, araa e tuu whakapakari ana te Matua Pooari oo NZNO raatou
koo ngaa mema koo te Runanga hoki, ki raro oo eenei whakaritenga. |
